ਡੀ.ਆਈ.ਜੀ. ਕੁਲਦੀਪ ਸਿੰਘ ਚਾਹਲ ਦੇ ਨਾਮ 'ਤੇ Fake Facebook Account, ਲੋਕਾਂ ਲਈ ਅਲਰਟ
Fake Facebook Account: ਪੰਜਾਬ ਪੁਲਿਸ ਦੇ ਪਟਿਆਲਾ ਰੇਂਜ ਦੇ ਡੀ.ਆਈ.ਜੀ. ਕੁਲਦੀਪ ਸਿੰਘ ਚਾਹਲ ਦੇ ਨਾਮ ‘ਤੇ ਇੱਕ ਨਕਲੀ Facebook ਅਕਾਊਂਟ ਬਣਾਏ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਬਾਰੇ ਜਾਣਕਾਰੀ ਮਿਲਣ ਤੋਂ ਬਾਅਦ ਡੀ.ਆਈ.ਜੀ. ਚਾਹਲ ਨੇ ਆਪਣੇ ਅਧਿਕਾਰਤ Facebook ਅਕਾਊਂਟ ਰਾਹੀਂ ਲੋਕਾਂ ਨੂੰ ਚੌਕਸ ਰਹਿਣ ਦੀ ਅਪੀਲ ਕੀਤੀ ਹੈ। ਉਨ੍ਹਾਂ ਸਪੱਸ਼ਟ ਕੀਤਾ ਕਿ ਫਰਜ਼ੀ ਅਕਾਊਂਟ ਦਾ ਉਨ੍ਹਾਂ ਨਾਲ ਕੋਈ ਲੈਣਾ-ਦੇਣਾ ਨਹੀਂ ਹੈ ਅਤੇ ਲੋਕ ਅਜਿਹੇ ਕਿਸੇ ਵੀ ਮੈਸੇਜ ਜਾਂ ਫਰੈਂਡ ਰਿਕਵੈਸਟ ‘ਤੇ ਭਰੋਸਾ ਨਾ ਕਰਨ।
ਉਸਨੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਕਿਸੇ ਵੀ ਅਜਿਹੇ ਵਿਅਕਤੀ ‘ਤੇ ਭਰੋਸਾ ਨਾ ਕਰਨ ਜਿਸਨੂੰ ਫਰਜ਼ੀ ਅਕਾਊਂਟ ਤੋਂ ਦੋਸਤੀ ਦੀ ਬੇਨਤੀ, ਸੁਨੇਹਾ, ਜਾਂ ਕਿਸੇ ਵੀ ਤਰ੍ਹਾਂ ਦੀ ਮਦਦ ਜਾਂ ਪੈਸੇ ਦੀ ਬੇਨਤੀ ਪ੍ਰਾਪਤ ਹੁੰਦੀ ਹੈ।ਡੀਆਈਜੀ ਕੁਲਦੀਪ ਸਿੰਘ ਚਾਹਲ ਨੇ ਇੱਕ ਫੇਸਬੁੱਕ ਪੋਸਟ ਵਿੱਚ ਲਿਖਿਆ ਕਿ ਇਹ ਸਾਰਿਆਂ ਦੇ ਧਿਆਨ ਵਿੱਚ ਹੈ ਕਿ ਉਨ੍ਹਾਂ ਦੇ ਨਾਮ ਅਤੇ ਪਛਾਣ ਦੀ ਵਰਤੋਂ ਕਰਕੇ ਇੱਕ ਜਾਅਲੀ ਖਾਤਾ ਬਣਾਇਆ ਗਿਆ ਹੈ। ਉਨ੍ਹਾਂ ਸਪੱਸ਼ਟ ਕੀਤਾ ਕਿ ਇਸ ਖਾਤੇ ਦਾ ਉਨ੍ਹਾਂ ਨਾਲ ਕੋਈ ਸਬੰਧ ਨਹੀਂ ਹੈ।
ਡੀ.ਆਈ.ਜੀ. ਚਾਹਲ ਨੇ ਦੱਸਿਆ ਕਿ ਇਸ ਮਾਮਲੇ ਸਬੰਧੀ ਕਾਨੂੰਨੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ ਅਤੇ ਨਕਲੀ ਅਕਾਊਂਟ ਬਣਾਉਣ ਵਾਲੇ ਵਿਅਕਤੀ ਦੀ ਪਛਾਣ ਕਰਕੇ ਉਸ ਖ਼ਿਲਾਫ਼ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ।ਉਨ੍ਹਾਂ ਦੀ ਇਸ ਪੋਸਟ ‘ਤੇ ਕਈ ਲੋਕਾਂ ਨੇ ਪ੍ਰਤੀਕਿਰਿਆ ਵੀ ਦਿੱਤੀ। ਇੱਕ ਉਪਭੋਗਤਾ ਪੂਜਾ ਘਈ ਨੇ ਟਿੱਪਣੀ ਕਰਦਿਆਂ ਲਿਖਿਆ ਕਿ ਉਸ ਨੂੰ ਵੀ ਇਸ ਨਕਲੀ ਅਕਾਊਂਟ ਤੋਂ ਮੈਸੇਜ ਮਿਲਿਆ ਸੀ, ਪਰ ਉਸ ਨੇ ਸਮੇਂ ਸਿਰ ਸਮਝ ਲਿਆ ਕਿ ਇਹ ਫਰਜ਼ੀ ਆਈਡੀ ਹੈ।ਡੀਆਈਜੀ ਨੇ ਸਾਰੇ ਨਾਗਰਿਕਾਂ ਨੂੰ ਇਸ ਜਾਅਲੀ ਫੇਸਬੁੱਕ ਖਾਤੇ ਦੀ ਤੁਰੰਤ ਰਿਪੋਰਟ ਕਰਨ ਅਤੇ ਆਪਣੇ ਜਾਣਕਾਰਾਂ ਨੂੰ ਸੁਚੇਤ ਕਰਨ ਦੀ ਅਪੀਲ ਕੀਤੀ।
ਡੀਆਈਜੀ ਦੀ ਪੋਸਟ ਤੋਂ ਬਾਅਦ ਕਈ ਲੋਕਾਂ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਵੀ ਫਰਜ਼ੀ ਆਈਡੀ ਤੋਂ ਮੈਸੇਜ ਮਿਲੇ। ਪੂਜਾ ਘਈ ਨੇ ਲਿਖਿਆ, “ਮੈਨੂੰ ਵੀ ਮੈਸੇਜ ਆਇਆ ਸੀ, ਪਰ ਮੈਂ ਸਮੇਂ ਸਿਰ ਸਮਝ ਗਈ ਕਿ ਇਹ ਜਾਅਲੀ ਆਈਡੀ ਹੈ।”
