4 ਸਾਲਾਂ ਮਗਰੋਂ ਨੀਲੀ ਜਰਸੀ ’ਚ ਪਰਤਣਗੇ ਭੁਵਨੇਸ਼ਵਰ ਕੁਮਾਰ, ਨਿਊਜ਼ੀਲੈਂਡ ਦੌਰੇ ਲਈ ਟੀਮ ਇੰਡੀਆ ਦਾ ਐਲਾਨ

India vs New Zealand T20 Series: ਭਾਰਤੀ ਕ੍ਰਿਕਟ ਟੀਮ ਦੇ ਨਿਊਜ਼ੀਲੈਂਡ ਦੌਰੇ ਲਈ 15 ਮੈਂਬਰੀ ਟੀ-20 ਟੀਮ ਦਾ ਐਲਾਨ ਕਰ ਦਿੱਤਾ ਗਿਆ ਹੈ। ਇਸ ਟੀਮ ਵਿੱਚ ਸਭ ਤੋਂ ਵੱਡੀ ਖਿੱਚ ਤਜਰਬੇਕਾਰ ਤੇਜ਼ ਗੇਂਦਬਾਜ਼ ਭੁਵਨੇਸ਼ਵਰ ਕੁਮਾਰ ਦੀ ਲੰਬੇ ਸਮੇਂ ਬਾਅਦ ਵਾਪਸੀ ਹੈ। ਭੁਵਨੇਸ਼ਵਰ ਨੇ ਟੀਮ ਇੰਡੀਆ ਲਈ ਆਪਣਾ ਆਖਰੀ ਟੀ-20 ਅੰਤਰਰਾਸ਼ਟਰੀ ਮੈਚ 2022 ਵਿੱਚ ਖੇਡਿਆ ਸੀ।

ਨਿਊਜ਼ੀਲੈਂਡ ਖ਼ਿਲਾਫ਼ ਪੰਜ ਮੈਚਾਂ ਦੀ ਟੀ-20 ਸੀਰੀਜ਼ ਵਿੱਚ ਭਾਰਤੀ ਟੀਮ ਦੀ ਕਪਤਾਨੀ ਸ਼੍ਰੇਅਸ ਅਈਅਰ ਕਰਨਗੇ। ਨੌਜਵਾਨ ਆਲਰਾਊਂਡਰ ਤਿਲਕ ਵਰਮਾ ਨੂੰ ਉਪ-ਕਪਤਾਨ ਦੀ ਜ਼ਿੰਮੇਵਾਰੀ ਦਿੱਤੀ ਗਈ ਹੈ।ਟੀਮ ਵਿੱਚ ਤਜਰਬੇ ਦੇ ਨਾਲ ਨੌਜਵਾਨ ਜੋਸ਼ ਦਾ ਵੀ ਵਧੀਆ ਸੁਮੇਲ ਦੇਖਣ ਨੂੰ ਮਿਲ ਰਿਹਾ ਹੈ। ਵੈਭਵ ਸੂਰਿਆਵੰਸ਼ੀ ਅਤੇ ਪ੍ਰਿੰਸ ਯਾਦਵ ਨੂੰ ਵੀ ਨਿਊਜ਼ੀਲੈਂਡ ਦੌਰੇ ਲਈ ਮੌਕਾ ਦਿੱਤਾ ਗਿਆ ਹੈ।

ਭੁਵਨੇਸ਼ਵਰ ਕੁਮਾਰ ਦੀ ਹੋਈ ਵਾਪਸੀ

ਸਵਿੰਗ ਦੇ ਮਾਹਿਰ ਗੇਂਦਬਾਜ਼ ਭੁਵਨੇਸ਼ਵਰ ਕੁਮਾਰ ਲਗਭਗ ਚਾਰ ਸਾਲ ਬਾਅਦ ਟੀ-20 ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ ਵਾਪਸੀ ਕਰਨ ਜਾ ਰਹੇ ਹਨ। ਉਨ੍ਹਾਂ ਨੇ 2022 ਤੋਂ ਬਾਅਦ ਭਾਰਤੀ ਟੀਮ ਲਈ ਕੋਈ ਟੀ-20 ਅੰਤਰਰਾਸ਼ਟਰੀ ਮੈਚ ਨਹੀਂ ਖੇਡਿਆ।ਹਾਲਾਂਕਿ ਘਰੇਲੂ ਕ੍ਰਿਕਟ ਅਤੇ ਆਈਪੀਐੱਲ ਵਿੱਚ ਉਨ੍ਹਾਂ ਦੇ ਪ੍ਰਦਰਸ਼ਨ ਨੇ ਚੋਣਕਾਰਾਂ ਦਾ ਧਿਆਨ ਮੁੜ ਆਪਣੇ ਵੱਲ ਖਿੱਚਿਆ। ਹੁਣ ਨਿਊਜ਼ੀਲੈਂਡ ਦੀਆਂ ਤੇਜ਼ ਅਤੇ ਉਛਾਲ ਭਰੀਆਂ ਪਿੱਚਾਂ ’ਤੇ ਉਨ੍ਹਾਂ ਦੇ ਤਜਰਬੇ ਦਾ ਟੀਮ ਨੂੰ ਫਾਇਦਾ ਮਿਲ ਸਕਦਾ ਹੈ।

ਬੱਲੇਬਾਜ਼ੀ ਤੋਂ ਲੈ ਕੇ ਗੇਂਦਬਾਜ਼ੀ ਤੱਕ ਮਜ਼ਬੂਤ ਟੀਮ

ਟੀਮ ਵਿੱਚ ਅਭਿਸ਼ੇਕ ਸ਼ਰਮਾ, ਸੰਜੂ ਸੈਮਸਨ, ਵੈਭਵ ਸੂਰਿਆਵੰਸ਼ੀ, ਈਸ਼ਾਨ ਕਿਸ਼ਨ, ਤਿਲਕ ਵਰਮਾ ਅਤੇ ਨਮਨ ਧੀਰ ਵਰਗੇ ਬੱਲੇਬਾਜ਼ ਸ਼ਾਮਲ ਹਨ।ਆਲਰਾਊਂਡਰ ਵਜੋਂ ਅਕਸ਼ਰ ਪਟੇਲ, ਸ਼ਿਵਮ ਦੂਬੇ ਅਤੇ ਨਿਤੀਸ਼ ਕੁਮਾਰ ਰੈੱਡੀ ਟੀਮ ਨੂੰ ਸੰਤੁਲਨ ਦੇਣਗੇ। ਸਪਿਨ ਵਿਭਾਗ ਵਿੱਚ ਕੁਲਦੀਪ ਯਾਦਵ ਅਤੇ ਵਰੁਣ ਚੱਕਰਵਰਤੀ ਦੀ ਜੋੜੀ ਮੌਜੂਦ ਹੈ।ਤੇਜ਼ ਗੇਂਦਬਾਜ਼ੀ ਦੀ ਕਮਾਨ ਭੁਵਨੇਸ਼ਵਰ ਕੁਮਾਰ, ਅਰਸ਼ਦੀਪ ਸਿੰਘ, ਮਯੰਕ ਯਾਦਵ ਅਤੇ ਪ੍ਰਿੰਸ ਯਾਦਵ ਸੰਭਾਲਣਗੇ।

 ਭਾਰਤੀ ਟੀ-20 ਟੀਮ

• ਸ਼੍ਰੇਅਸ ਅਈਅਰ — ਕਪਤਾਨ
• ਅਭਿਸ਼ੇਕ ਸ਼ਰਮਾ
• ਸੰਜੂ ਸੈਮਸਨ — ਵਿਕਟਕੀਪਰ
• ਵੈਭਵ ਸੂਰਿਆਵੰਸ਼ੀ
• ਈਸ਼ਾਨ ਕਿਸ਼ਨ — ਵਿਕਟਕੀਪਰ
• ਤਿਲਕ ਵਰਮਾ — ਉਪ-ਕਪਤਾਨ
• ਅਕਸ਼ਰ ਪਟੇਲ
• ਸ਼ਿਵਮ ਦੂਬੇ
• ਨਿਤੀਸ਼ ਕੁਮਾਰ ਰੈੱਡੀ
• ਨਮਨ ਧੀਰ
• ਪ੍ਰਿੰਸ ਯਾਦਵ
• ਮਯੰਕ ਯਾਦਵ
• ਅਰਸ਼ਦੀਪ ਸਿੰਘ
• ਭੁਵਨੇਸ਼ਵਰ ਕੁਮਾਰ
• ਵਰੁਣ ਚੱਕਰਵਰਤੀ
• ਕੁਲਦੀਪ ਯਾਦਵ

ਭਾਰਤ-ਨਿਊਜ਼ੀਲੈਂਡ ਟੀ-20 ਸੀਰੀਜ਼ ਦਾ ਸ਼ਡਿਊਲ

ਭਾਰਤ ਅਤੇ ਨਿਊਜ਼ੀਲੈਂਡ ਵਿਚਕਾਰ ਪਹਿਲਾ ਟੀ-20 ਮੁਕਾਬਲਾ 22 ਅਕਤੂਬਰ 2026 ਨੂੰ ਕ੍ਰਾਈਸਟਚਰਚ ਦੇ ਹੇਗਲੇ ਓਵਲ ਵਿੱਚ ਖੇਡਿਆ ਜਾਵੇਗਾ। ਭੁਵਨੇਸ਼ਵਰ ਕੁਮਾਰ ਦੀ ਵਾਪਸੀ ਅਤੇ ਨੌਜਵਾਨ ਖਿਡਾਰੀਆਂ ਨੂੰ ਮਿਲਿਆ ਮੌਕਾ ਇਸ ਸੀਰੀਜ਼ ਨੂੰ ਹੋਰ ਵੀ ਦਿਲਚਸਪ ਬਣਾਉਂਦਾ ਹੈ।